काठमाडौं १० कात्तिक । इजरायली सेनाले आफ्नो क्षेत्रमा “ईरान र यसको सहयोगीहरू” द्वारा महिनौँ देखि गरिएका आक्रमणहरूको जवाफमा ईरानमा सैन्य लक्ष्यहरूमा हमला गरेको छ।

ईरानी सेनाले अलजजिरालाई बताए अनुसार ईलाम, खुजेस्तान र तेहरान प्रान्तमा रहेका सैन्य अड्डाहरूमाथि इजरायली हमलामा दुई सैनिकको मृत्यु भएको छ।अक्टोबर १ मा इरानले इजरायलमाथि गरेको व्यालेस्टिक मिसाइल आक्रमणको जबाफमा इजरायले आक्रमण गरेको र आक्रमणको लक्ष्य पूरा भएको इजरायली सेनाले जनाएको छ ।

उत्तर गाजामा इजरायलको नाकाबन्दी र “निरन्तर” बमबारी चौथो हप्ता प्रवेश गरेसँगै संयुक्त राष्ट्रसंघले “क्रूरता अपराध” भइरहेको भय व्यक्त गरेको छ।

लेबनानको स्वास्थ्य मन्त्रालयले शुक्रबार इजरायली आक्रमणमा ४१ जनाको मृत्यु र १३३ जना घाइते भएको जनाएको छ।

गाजामा, ७ अक्टोबर २०२३ देखि इजरायली आक्रमणमा कम्तीमा ४२,८४७ जनाको मृत्यु भएको छ । भने एकवर्षको बीचमा १००,५४४ जना घाइते भएका छन्। हमासले गरेको आक्रमणहरूमा इजरायलमा अनुमानित १,१३९ जनाको मृत्यु र २०० भन्दा बढीलाई बन्दी बनाइएको छ।