काठमाडौं । प्रहरीले काठमाडौंको रानीवनबाट एकजनालाई पेस्तोलसहित पक्राउ गरेको छ ।
पक्राउ परेका अभियुक्तमा दैलेख घर भई रानीवन बस्दै आएका २५ वर्षीय अनिल खड्का छन् । उनको साथबाट अटो पेस्तोल र म्यागेजिन बरामद भएको काठमाडौं प्रहरीले जानकारी दिएको छ ।
रानीवन क्षेत्रमा एकजना पुरुष व्यक्तिले पेस्तोल देखाइ मानिसलाई त्रसित बनाइ हिडेको भन्ने सूचनाको आधारमा स्वयम्भुबाट खटिएको प्रहरी टोलीले खड्कालाई पेस्तोलसहित पक्राउ गरेको हो ।
उनलाई प्रहरी वृत्त स्वयम्भुमा राखी थप अनुसन्धान भइरहेको काठमाडौं प्रहरीका सूचना अधिकारी एसपी नवराज अधिकारीले जानकारी दिएका छन् ।
प्रतिक्रिया दिनुहोस्