काठमाडौं २० कात्तिक । तिहारपछि खुलेको सेयर बजार झिनो अंकमा रातो भएको छ । नेप्से परिसूचक ०।२१ अंक मात्रै घटेपछि २६७७।४ मा कायम भएको छ । कारोबार सुरु भएपछि बढेको बजार ११ स् ४७ बजे २६९६ अंकसम्म पुगे पनि त्यसपछि ओरालो लाग्यो ।

कारोबार रकम पनि घटेको छ । गत बुधबार ५ अर्ब ९५ करोडको कारोबार भएकोमा आज ४ अर्ब २० करोडको भयो । कुल ११३ कम्पनीको मूल्य बढ्दा १२४ को घट्यो भने ६ को स्थिर रह्यो ।

केही सेक्टर बढेका छन् भने केही घटेका छन् । निर्जीवन बीमा समूह सबैभन्दा धेरै १।०६ प्रतिशत बढ्यो । फाइनान्स ०।२०, होटल तथा पर्यटन ०।८२, हाइड्रोपावर ०।७७, जीवन बीमा ०।३९ र अन्य समूह ०।२४ प्रतिशत बढे । बैंकिङ ०।८१, विकास बैंक ०।४८, लगानी ०।०४, उत्पादन ०।२९, माइक्रोफाइनान्स ०।०७ र व्यापार समूह ०।७४ प्रतिशत घटे ।

सुपरमाइ हाइड्रोपावरको मूल्य १० प्रतिशत बढ्यो । समाज लघुवित्तको ९।९, युनाइटेड मोदी हाइड्रोपावरको ९।५, गुराँस लघुवित्तको ९।३, रसुवागढी हाइड्रोपावरको ८।७ तथा सान्जेन जलविद्युतको ७।३ प्रतिशत मूल्य बढ्यो ।

मिडसोलु हाइड्रोपावरको मूल्य सबैभन्दा धेरै १० प्रतिशत घट्यो । कारोबार रकमका आधारमा नेपाल फाइनान्स, सानिमा जीआईसी इन्स्योरेन्स, एनएलजी इन्स्योरेन्स, आईजीआई प्रुडेन्सियल इन्स्योरेन्स र समृद्धि फाइनान्स क्रमशः अगाडि रहे ।