काठमाडौं २१ कात्तिक । फ्लोरिडाको पाम बिचमा समर्थकहरुलाई सम्बोधन गरेका डोनाल्ड ट्रम्पले जितको दाबी गर्दै खास कारणले ईश्वरले आफ्नो ज्यान बचाएको बताएका छन्।
उनीमाथि चुनावी अभियानका क्रममा गोली प्रहार भएको थियो।
‘मान्छेहरुले मलाई भन्ने गरेका छन् ईश्वरले कारणवश मेरो ज्यान जोगाएका हुन्,’ ट्रम्पले भने, ‘र, त्यो कारण भनेको हाम्रो देशलाई बचाउनु र अमेरिकालाई पुनः महान बनाउनु हो। यो लक्ष्य हामी मिलेर पूरा गर्नेछौँ।’
तर, त्यो काम सजिलो नभएको उनको भनाइ थियो। त्यसका लागि भएभरको सम्पूर्ण शक्ति लगाउने वाचा ट्रम्पले गरे।
मतगणना जारी रहँदा ट्रम्पको जितको नजिक पुगेका छन्। उनलाई अब मात्र ३ इलेक्टोरल मत आवश्यक छ।
उनले एकताको आह्वान पनि गरेका छन्। एजेन्सी
प्रतिक्रिया दिनुहोस्