काठमाडौं १३ मंसिर । सुनचाँदीकै मूल्य आज फेरि घटेको छ। बुधबार प्रतितोला नौसय रुपैयाँले बढेको सुनको मूल्य आज तोलामा तीनसय रुपैयाँले घटेको नेपाल सुनचाँदी व्यवसायी महासंघले जनाएको छ। आज चाँदी पनि सस्तिएको छ।

आज सुनको मूल्य तोलाको एक लाख ४९ हजार तीनसय रुपैयाँ कायम भएको छ। हिजो सुनको मूल्य १ लाख ४९ हजार ६ सय रुपैयाँ थियो।

गएको सोमबार एकैदिन सुनको मूल्य तोलामा १५ हजार नौसय र मंगलबार दुई हजार ६ सय रुपैयाँ घटेको थियो।

आज चाँदीको मूल्य पनि प्रतितोला ३० रुपैयाँ घटेको छ। आज चाँदीको मूल्य प्रतितोला एक हजार आठसय रुपैयाँ निर्धारण भएको छ। हिजो तोलमा १० रुपैयाँ बढेर चाँदी तोलाको एक हजार आठसय ३० रुपैयाँमा कारोबार भएको थियो।

सरकारले भन्सारदर घटाएपछि यो साता सुनचाँदीकै भाउमा उच्च गिरावट आएको छ।

गत कात्तिक १५ गते सुनको मूल्यले हालसम्मकै महँगो कीर्तिमान बनाएको थियो। त्यो दिन सुन प्रतितोला १ लाख ७१ हजार रुपैयाँ पुगेको थियो।