काठमाडौं २४ मंसिर । सहकारी ठगीमा पक्राउ परेका पूर्वगृहमन्त्री एवं रास्वपा सभापति रवि लामिछानेलाई काठमाडौँ ल्याएर वीरगन्ज पठाइने भएको छ।
उनलाई पोखराबाट काठमाडौँ र काठमाडौँबाट बाराको सिमरासम्म जहाजमा यात्रा गराइनेछ। सिमराबाट वीरगन्ज गाडीमा लैजाने तयारी छ।
वीरगन्जको सानो पाइला सहकारी ठगीको अनुसन्धान लागि उनलाई त्यहाँ लैजान लागिएको हो।
रविकै व्यावसायिक साझेदार एवं पूर्वडीआईजी छविलाल बन्जाडेलाई हिजै स्थलमार्गबाट वीरगन्ज लगिसकिएको छ। बन्जाडेसँगै उनका अंगरक्षक रामप्रसाद खनाललाई पनि सोही प्रकरणको अनुसन्धानका लागि वीरगन्ज लगिएको छ।
प्रतिक्रिया दिनुहोस्