काठमाडौं २७ मंसिर । जनकपुर बोल्ट्सविरुद्धको खेलमा काठमान्डु गुर्खाज १०१ रनमा अलआउट भएको छ ।  जनकपुरको धारिलो बलिङलाई काठमान्डुको ब्याटिङ लाइनअपले धान्न सकेन ।

कीर्तिपुरस्थित टीयू मैदानमा टस जितेर पहिले ब्याटिङ गरेको काठमान्डु १९।३ ओभरमा सबै विकेट गुमाएर १०१ रनमा अलआउट भएको हो ।

काठमान्डुका लागि गेरहार्ड इरास्मसले सर्वाधिक २० रन बनाए । सो क्रममा उनले दुई चौकासमेत प्रहार गरे । कप्तान करण केसीले १९ र स्टिफन एस्किनाजी १७ रन बाहेक अन्य कुनै पनि खेलाडीले दोहोरो अङ्कको रन बनाउन सकेनन् ।
काठमान्डु को लागि शाहब आलम र माइकल लेविटले समान ८र८, रासिद खानले ७, प्रतिक श्रेष्ठले ६, भीम सार्कीले ४ र डेन डउथवेटले एक रन बनाए । यो खेलमा काठमान्डुले अतिरिक्त ११ रन पाएको छ ।
जनकपुरका लागि ललित राजवंशी र शेर मल्लले सर्वाधिक समान तीन र तीन विकेट लिए । यस्तै, मोहम्मद मोहसिनले दुई, अर्निको यादव र किशोर महतोले एकरएक विकेट हात पारे । अहिले जनकपुर बोल्ट्सले जवाफी ब्याटिङ गरिरहेको छ ।