काठमाडौँ । उच्च अदालत बार एसोसिएसन पाटनको निर्वाचनमा एमाले निकट प्रगतिशील तथा पेसागत कानुन व्यवसायी समूह (पीपीएलए) का उम्मेदवार सेवन्तराज निरौला अध्यक्षमा निर्वाचित भएका छन्।
अन्तिम मतपरिणामअनुसार निरौलाले १ हजार १५२ मत प्राप्त गर्दै स्पष्ट बहुमतसहित अध्यक्ष पदमा विजय हासिल गरेका हुन्।
उनका निकटतम प्रतिद्वन्द्वी नेपाली कांग्रेस निकट डेमोक्रेटिक लयर्स एसोसिएसन (डीएलए) का उम्मेदवार देवीप्रसाद रिजालले १२२ मत प्राप्त गरे। त्यस्तै, राष्ट्रिय स्वतन्त्र पार्टी (रास्वपा) निकट स्वतन्त्र व्यवसायी मञ्चका उम्मेदवार भेषराज पोखरेलले १९९ मत पाए।
निरौलाको स्पष्ट अग्रता
अध्यक्ष पदमा तीन उम्मेदवारबीच प्रतिस्पर्धा भएकोमा निरौलाले अन्य दुवै उम्मेदवारभन्दा ठूलो मतान्तरले जित हासिल गरेका छन्।
मतपरिणामअनुसार कांग्रेस र रास्वपा निकट उम्मेदवारहरू निरौलाको तुलनामा निकै पछाडि परेका छन्। निर्वाचन परिणामले उच्च अदालत बार पाटनमा कानुन व्यवसायीहरूबीच रहेका विभिन्न राजनीतिक समूहको प्रभाव र प्रतिस्पर्धालाई समेत प्रतिबिम्बित गरेको छ।
Originally published on abcnews.com.np.
प्रतिक्रिया दिनुहोस्