काठमाडौं ४ माघ । इजरायली प्रधानमन्त्री बेन्यामिन नेतन्याहुले हमाससँग युद्धविरामको सम्झौता गर्ने सहमति भएको बताएका छन्।
अन्तिम समयमा विवाद र आरोपप्रत्यारोप हुँदा सम्झौता इजरायली सरकारले अनुमोदन गर्नमा एक दिन ढिलाइ भएको थियो।
शुक्रबार नै सेक्युरिटी क्याबिनेटले सो सम्झौता अनुमोदन गर्ने नेतन्याहुले बताएका छन्।
‘प्रधानमन्त्रीले सेक्युरिटी क्याबिनेटको बैठक आज बस्न निर्देशन दिनुभएको छ,’ नेतन्याहुको कार्यालयले एक विज्ञप्ति जारी गर्दै भनेको छ।
हमास र इजरायलबीचको युद्धविराम सम्झौता आइतबारदेखि लागू हुने बताइएको छ। सो सम्झौतामा हमासले क्रमशः बन्धक छाड्दै जाने र इजरायली सेना गाजाबाट पछि हट्दै जाने उल्लेख छ।
यद्यपि, युद्धविराम घोषणा भइसकेपछि इजरायलले गाजामा एक सयजना भन्दा बढीको ज्यान लिइसकेको छ। उसले आक्रमण रोकेको छैन। एजेन्सी
प्रतिक्रिया दिनुहोस्