ललितपुर । राजधानी काठमाडौंको नजिकै अफिम खेती लगाएको पाइएको छ ।

बागमती प्रदेशका धादिङ, चितवन र मकवानपुरका विभिन्न स्थानमा अफिम खेती गरेको पाइएको हो । अवैध लागूऔषधका रुपमा लिइने अफिम सशस्त्र प्रहरी बल र नेपाल प्रहरीको संयुक्त टोलीले नष्ट गरेको छ ।

धादिङको बेनिघाट रोराङ गाउँपालिका तथा गजरी गाउँपालिका १५० रोपनीमा रहेको अफिम नष्ट गरेको छ । त्यस्तै, चितवनको राप्ती नगरपालिकाको पहाडी भेगमा पाँच बिगाहमाा लगाईको अफिम खेती पनि नष्ट गरिएको छ ।

मकवानपुरको कैलाश गाउँपालिकामा पाँच रोपनी अफिम खेती पनि सुरक्षाकर्मीको टोलीले नष्ट गरेको सशस्त्र प्रहरी बल, ३ नम्बर बाहिनीले जनाएको छ ।

त्यस्तै, मकवानपरको कैलाश र राक्सीराङ गाउँपालिका आठ बिगाह तथा बकैया गाउँपालिकामा लगाएको एक बिगाहको गाजा खेती पनि नष्ट गरेको जनाएको छ ।

लागूऔषधविरुद्ध बागमती प्रदेश सशस्त्र प्रहरी बलले अभियान नै सञ्चालन गरेको छ । यो अभियान जारी रहेको जनाएको छ ।