काठमाडौं २७ माघ । नेकपा माओवादी केन्द्रका अध्यक्ष पुष्पकमल दाहाल प्रचण्डले वर्तमान कांग्रेस(एमालेको गठबन्धन सरकार २०४७ सालतिर फर्किएको टिप्पणी गरेका छन्। आइतबार काठमाडौँमा संविधान कार्यान्वयनको एक दशक र संवैधानिक सुधारको आवश्यकता विषयक संवाद कार्यक्रमलाई सम्बोधन गर्दै दाहालले कांग्रेस(एमाले संविधान संशोधनका लागि एक नभएको बताएका हुन्।

कांग्रेस(एमाले एक ठाउँमा उभिएका संविधान संशोधनका लागि होइनन्। स्वार्थ र सत्ताकै लागि मात्रै सहमति गरेका हुन्, उनले भने, संविधान सशोधन गर्ने भए सरकार बनेको ६ महिनामा खोई त सुरु गरेको रु ६ महिना शासन गरेपछि प्रधानमन्त्रीले २०८७ मा संविधान संशोधन गर्ने भन्न थाल्नुभयो।’

उनले संविधान संशोधनको विषयमा माओवादीलाई छलफलमा समावेश नगराएको भन्दै आपत्ति पनि जनाए। ुकांग्रेस र एमालेले वृहत शान्ति सम्झौता र अन्तरिम संविधान बनाउने पक्षधरसँग कुनै छलफल गरेका छैनन्, उनले भने, पश्चगामी दृष्टिकोण राखेर वा २०४७ तिर फर्किएर संविधान संशोधन हुनै सक्दैन।

उनले संविधान संशोधनका लागि राष्ट्रिय सहमतिको आधार तयार पार्नुपर्नेमा एमाले र कांग्रेस चुकेको बताए।