काठमाडौं १३ फागुन । नेपाली कांग्रेसका सांसद डा. शशांक कोइरालाले ०८२ सालमै पार्टीको अधिवेशन गर्नुपर्ने बताएका छन्।

यसअघि पुस १६ गते चितवन पुगेर पार्टी महाधिवेशन आम निर्वाचनपछि गर्नुपर्ने अभिव्यक्ति दिएका शशांकले मंगलबार जनकपुर पुगेर निर्धारित समयमै ‍गर्नुपर्ने बताएका हुन्।

चुनावको बेलामा अधिवेशन गराए निर्वाचनमा पार्टीलाई गाह्रो उनको भनाइ छ।

‘चुनावभन्दा दुई पहिला अधिवेशन गराएको राम्रो हो। तर त्यसपछि गरायो भने हामी अफ्ठ्यारोमा पर्छौँ। चुनावको मुखमा अधिवेशन गरियो भने तिक्तताको बाटो हुन्छ,ु उनले भने, ुत्यसैले चुनावको दुई वर्ष पहिला गर्नुपर्छ। ०८२ सालमा गर्नुपर्छ।

२०८२ मा गराउन नसकेमात्रै चुनावपछिबारे सोच्नुपर्ने उनको भनाइ छ।
कांग्रेसको १४ औँ महाधिवेशन २०७८ मंसिरमा भएको थियो। विधानअनुसार चाररचार वर्षमा महाधिवेशन हुनुपर्छ। त्यसैले १५औँ महाधिवेशन २०८२ मंसिरभित्र गर्नुपर्छ। तर, पार्टीको विधानको व्यवस्थाअनुसार विशेष परिस्थिति उल्लेख गरेर सभापति शेरबहादुर देउवाले थप एक वर्ष लम्ब्याउन पनि सक्नेछन्।

कांग्रेसको महाधिवेशन तोकिएकै समयमा हुनुपर्छ भन्दै शेखर कोइराला पनि देश दौडाहामा छन्।