काठमाडौं ३ बैशाख । चार लेनमा विस्तार भइरहेको पूर्व–पश्चिम राजमार्गअन्तर्गत नारायणघाट–बुटवल सडकको पूर्वी खण्डमा निर्माण हुने सबै साना पुल निर्माण सम्पन्न भएका छन् ।

पूर्वी खण्डको गैँडाकोट–दाउन्ने खण्डमा निर्माण हुने २२ वटै साना पुल निर्माण सकिएका हुन् । नारायणघाट–बुटवल सडक योजना पूर्वी खण्डका सूचना अधिकारी इन्जिनियर शिव खनालका अनुसार २५ मिटरभन्दा छोटालाई साना र २५ मिटरभन्दा लामा पुललाई ठूला पुलका रूपमा राखेर निर्माण गरिएका छन् ।

निर्माण सकिएका पुलमा राजमार्गबाट पहुँच मार्ग निर्माण गर्न बाँकी रहेका कारण गाडी सञ्चालन नभएको सूचना अधिकारी खनालले बताउनुभयो । आउँदो असारसम्म थप तीन ठूला पुल निर्माण सम्पन्न हुनेछ ।

अत्यधिक भारवहन गरेको गाडीका कारण केही हप्ताअघि विनयी खोलाको पुरानो पुल भाँचिदा गाडी सञ्चालनमा समस्या आएका कारण त्यहाँ नयाँ पुल निर्माणमा जनशक्ति केन्द्रित भएको सूचना अधिकारी खनालको भनाइ छ ।

यस खण्डमा चैत मसान्तसम्मको प्रगति ६३ प्रतिशत रहेको छ । ग्लोबल टेण्डरमार्फत ठेक्का पारेर चीनीयाँ निर्माण कम्पनी चाइना स्टेट कन्स्ट्रक्सन इञ्जिनियरिङ कर्पोरेशन लिमिटेडले सरकारसँग २०७५ माघमा सम्झौता गरी गएको चैत ८ गतेदेखि सडक विस्तारको काम थालेको थियो ।

४२ महिना ९२०७९ साउन० मा निर्माण सक्ने गरी ठेक्का सम्झौता भएको सडकको तेस्रो पटक थप गरिएको म्याद आउँदो असारमा सकिँदैछ ।