काठमाडौं, ११ चैत । रुपन्देहीको बुटवलमा जारी तेश्रो मदन भण्डारी गोल्डकप फुटबल प्रतियोगिता अन्तर्गत आज शसस्त्र प्रहरीको एपीएफ र झापा ११ बीच खेल हुदैछ ।

खेल बुटवल रामनगरको मान विज्ञान माध्यमिक विद्यालयको खेल मैदानमा सुरु हुने आयोजक मदन भण्डारी स्पोर्ट्स एकेडेमीले जनाएको छ । तेस्रो भण्डारी अन्तराष्ट्रिय गोल्डकप नकआउट फुटबल प्रतियोगितामा आयोजक मदन भण्डारी स्पोर्ट्स् एकेडेमी काठमाडौंले विजयी शुरुवात गरेको छ ।
सुदूरपश्चिम ११ लाई ५–१ गोल अन्तरले हराउदै आयोजक क्वार्टरफाइनलमा प्रवेश गरेको छ ।

मध्यान्तर अघि एक÷एक गोलको बराबरी भएकोमा दोस्रो हाफमा आयोजक टिमले एकतर्फी चार गोल गरेको थियो । प्रतियोगिताको राष्ट्रपति विद्यादेवी भण्डारीले उद्घाटन गर्नुभएको थियो ।

एक करोड बढी खर्चमा संचालन भएको प्रतियोगिताको विजेताले १५ लाख र उपविजेताले ७ लाख ५० हजार नगद पुरस्कार पाउने छन् । सेमिफाइनल पुग्ने टिमले १÷१ लाख पाउनेछन् भने उत्कृष्ट खेलाडीलाई समेत नगद पुरस्कार प्रदान गरिने मदन भण्डारी स्पोट्र्स एकेडेमीले बताएको छ । प्रतियोगिताको फाइनल चैत १९ गते हुनेछ ।