बनेपा, ११ चैत । बनेपालाई टाईपब्रेकरमा ४ का विरुद्ध ६ गोल गर्दै गोर्खा ब्वाईज क्लब कटारीमा जारी चौथो कटारी मेयर गोल्डकपमा सेमी-फाईनलमा प्रवेश गरेको छ । गोल्डकपको दोस्रो दिनको आजको खेलमा समय अवधिमा दुई दुई गोलको बराबरी भएपछि खेल टाईपब्रेकरमा धकेलिएको थियो ।

खेलको १६ औं मिनेट मै बनेपाका नाईजेरियन खेलाडी ग्लोरीले गोल गरेर अग्रता लिएका थिए । पहिलो हाफको ईन्जुरी समयमा गोर्खाका नाईजेरियन नै खेलाडी फोफानाले गोल गर्दै खेल बराबरीमा ल्याए । ७७ औं मिनेटमा बनेपाका अर्का नाईजेरियन खेलाडी भिक्टरले गोल गर्दै पुन अग्रता लिए । तर लगत्तै गोर्खाका दिपक राईले गोल गरेर गोर्खालाई पुन लयमा फर्र्काएपछि खेल टाईपब्रेकरमा धकेलियो ।

 टाईपब्रेकरमा गोर्खाका लागि निरज बस्नेत , निशान लिम्बु , दिपक राई र सुजित गुरुङ्गले गोल गरे । बनेपाका लागि शुसिल लामा र विनोद गुरुङ्गले गोल गरे ।

आज म्यान अफ द म्याच रुपन्देहीका दिलिप क्षेत्री घोषित भए । उनले नगद ५ हजार प्राप्त गरे । गोल्डकप विजेता टिमले नगद ५ लाख र उपविजेताले २ लाख ५१ हजार सहित ट्रफि,मेडल र प्रमाणपत्र पाउनेछन् ।

कटारी नगरपालिका र साथीसमूहको संयोजनमा आयोजित गोल्डकपमा सहारा क्लब, गोरखा ब्वाईज रुपन्देही ,बनेपा ब्वाईज क्लब , सरस्वती क्लब काठमाडौं , झापा ११ , चर्च ब्वाईज, संकटा क्लब र आयोजक कटारी ११ सहित ८ टिमको सहभागिता रहेको छ ।

प्रतियोगिता अन्र्तगत भोलि पहिलो कटारी गोल्डकप विजेता झापा ११ र सरस्वती क्लब काठमाडौं बीच प्रतिष्पर्धा हुनेछ ।