बुटवल, ११ चैत्र ।
झापा ११ माथि सहज जित निकाल्दै विभागीय टिम एपीएफ क्लब बुटवलमा जारी तेस्रो मदन भण्डारी अन्तराष्ट्रिय गोल्डकपको क्वाटर फाइनलमा प्रवेश गरेको छ । बुटवलको मानवज्ञान मावि मैदानमा आईतबार भएको खेलमा एपीएफले झापा ११ लाई ४–२ गोल अन्तरले रोक्दै क्वाटर फाइनलमा पुगेको हो । खेलको पांचौं मिनेटमा झापाका कर्ण लिम्बुले गोल गरेर अग्रता लिएपनि १८ औं मिनेटमा एपीएफका रामकुमार कुमालले गोल गरेर बराबरीमा पु¥याए । एपीएफका नवीन लामाले ३६ औं मिनेटमा पेनाल्टीमार्फत, दोस्रो हाफको ६१ औं र ८८ औं मिनेटमा गोल गरेर ह्याट्रिक गरे । दोस्रो हाफको १५ औं मिनेटमा झापाका खमिर गिल्सान खवाले टिमका लागि दोस्रो गोल गरेका थिए । आज भएको खेलमा एपीएफका नवीन लामा म्यान अफ द म्याच भएका छन ।

यस्ता खालका खेलहरु संचालन गर्दै गर्दा स्थायी संरचनाहरु नभएकाले लाखै रुपैया खेल मैदान बनाउन र प्याराफिट निर्माणको लागि खर्चहुने गरेको यस प्रतियोगिताका टेक्निकल संयोजक हरी श्रेष्ठको गुनासो गर्नुभएको छ ।
भोलि विभागीय टिम त्रिभुवन आर्मी र मदन भण्डारी स्पोर्ट्स एकेडेमी काठमाडौंबीच पहिलो क्वाटर फाइनल खेल हुने छ । मोफसलकै सर्वाधिक पुरस्कार राशीको प्रतियोगिताको विजेताले १५ लाख र उपविजेताले ७ लाख ५० हजार नगद पुरस्कार प्राप्त गर्नेछन् ।