बुटवल, १३ चैत्र ।
विभागिय टिम नेपाल आर्मीलाई पराजित गर्दै आयोजक मदन भण्डारी स्पोर्टस एकेडेमी बुटवलमा जारी तेस्रो मदन भण्डारी अन्तर्राष्टिय गोल्डकप फुटवल प्रतियोगिताको सेमिफाईनलमा प्रबेश गरेको छ ।
मदन भण्डारी स्पोर्टस एकेडेमी प्रदेश नं. ५ को आयोजनामा बुटवल १२ रामनगरमा रहेको मानवज्ञान माविको खेल मैदानमा भएको प्रतियोगितामा नेपाल आर्मीलाई ३–१ ले हराउँदै आयोजक मदन भण्डारी स्पोर्टस एकेडेमी सेमिफाईनलमा प्रबेश गरेको हो । पहिलो हाफमा अगता १–० अग्रता बनाएको नेपाल आर्मीले दोस्रो हाफमा रक्षात्मक खेल्न सकेन । पहिलो हाफमा १ गोलले पछि परेकोे आयोजक मदन भण्डारीले दोस्रो हाफ सुधारिएको खेल खेलेको थियो । दोस्रो हाफमा आयोजकका लागि विदेशी खेलाडि म्याक्सले खेलको ६२ औं र ६७ औं मिनेटमा दुई गोल गरे भने अर्को एक गोल विदेश खेलाडि एबाले खेलको ७५ औं मिनेटमा गरे । आर्मीका लागि एक मात्र गोल खेलको १४ औं मिनेटमा विबेक बस्नेतले गरेका थिए ।
प्रतियोगिता प्रथम हुनेले नगद १५ लाख, द्धितिय हुनेले नगद ७ लाख ५० हजार रुपैया प्राप्त गर्ने छन । प्रतियोगितामा सेमिफाईनल पुग्ने २ टिमले नगद १ लाख प्राप्त गर्नेछन । त्यसैगरी सर्वोउत्कृष्ट खेलाडिल मोटरसाईकल प्राप्त गर्ने आयोजकको भनाई छ । उत्कृष्ट खेलाडि, उत्कृष्ट गोलकिप्पर, उत्कृष्ट गोलरक्षक, प्रशिक्षक, सर्वाधिक गोलकर्ता र उत्कृष्ट मध्यपक्ति खेलाडिले नगद २१÷२१ हजार प्राप्त गर्ने आयोजकको भनाई छ । १ करोड १० लाखको लागत अनुमान गरिएको प्रतियोगितामा नेपाली ए डिभिजनका टिम तथा मलेसियाको हिमालय एफसीको सहभागी रहेको र सम्पूर्ण टिमका खेलाडि तथा प्रशिक्षकहरुलाई आयोजकले निशुल्क रुपमा स्तरीय होटलहरुमा राखेको मदनभण्डारी स्पोर्टस एकेडेमि प्रदेश ५ का सचिव मेघराज भट्टराईले बताउनुभयो ।
आयोजक मदन भण्डारी स्पोर्टस, सुदुरपश्चिम कैलाली, नेपाल आर्मी, थ्रिस्टार क्लव, हिमालय एफसी मलेसिया, नेपाल पुलिस क्लव, मनाङ मस्याङदी, सुनौलो संगम, एपिएफ क्वल र झापा ११ को सहभागिता रहेको खेलको फाइनल १९ गते हुनेछ ।
प्रतियोगिता अन्तर्गत चैत १३ गते दोस्रो क्वाटर फाईनल खेलमा बिभागिय टिम एपिएफ र बुटवलको सुनौलो संगम क्लवका बीच ३ बजे हुनेछ ।