बुटवल, १३ चैत्र /
८८ करोडको गुरुयोजना सहित बुटवल १० मा रहेका कालिका माध्यमिक विद्यालय र मानवज्ञान माध्यमिक विद्यालय मर्ज भएका छन् । कालिका र मानबज्ञान औपचारिक रुपमा गाभिएर कालिका मानवज्ञान माध्यमिक बिद्यालय भएको हो । दुई विद्यालय मर्जरपछि शिक्षाको गुणस्तरमा अझै वृद्धि हुने अपेक्षा विद्यालयले लिएको कालिका माध्यमिक विद्यालयका प्राचार्य घनश्याम पाठकले जानकारी दिनुभयो । कालिका मानवज्ञान माध्यमिक बिद्यालयको आयोजनामा आज बुटवलमा आयोजित पत्रकार सम्मेलनमा यसबारे जानकारी गराइएको हो ।
‘मर्जरपछि मल्टीमिडिया सिष्टमबाट अध्ययन अध्यापन गराउने र आगामी ५ बर्ष्भित्रमा ८ हजार ५ सय बिद्यार्थी संख्या पु¥याउने र अहिलेको जस्तै साख कायमै राख्ने गरि योजना गरीएको जानकारी समेत दिएको छ । कालिकाले उत्कृष्ट नतिजाका कारण राष्ट्रिय स्तरमा ख्याति कमाइ र तीपटकसम्म राष्ट्रिय पुरस्कार पाएको छ । मर्जरपछिको विद्यालयको गुरुयोजना बनाउन कालिका माविका विद्यालय व्यवस्थापन समिति अध्यक्ष होम गलामीको अध्यक्षतामा व्यवस्थापन समिति र शिक्षक दिनेश थापाको संयोजकत्वमा पाँच सदस्यीय समिति गठन भइसकेको छ । हाल कालिकानगरमा रहेको कालिका माविको भवनलाई सेक्टर १ र मानवज्ञानको भवनलाई सेक्टर २ बनाई अध्यापन गराइनेछ । कालिका माविमा हाल ४ हजार ३ सय ६४ विद्यार्थी छन् भने मानवज्ञानमा जम्मा २ सय ५० विद्यार्थी छन् । आगामी शैक्षिक सत्रदेखि कालिका मानव माध्यमिक विद्यालयको नामबाट सञ्चालन हुनेछ अहिले नाम परिबर्तन गरि ती दुबै बिद्यालयहरुमा कालिका मानवज्ञान माध्यमिक बिद्यालय लेखिएका बोर्डहरु राख्न थालिएको छ । दुई विद्यालयको मर्जरले शिक्षाक्षेत्रमा सकारात्म सन्देश जानुका साथै बुटवलको शैक्षिक स्तर माथि उकास्न कोशेढुंगा सावित हुने बताएको छ । मर्जरपछि बिद्यालयमा ८८ करोडको गुरुयोजना बनाइनेछ । त्यसमा प्राबिधिक बिषय,इन्जिनियरिङ,स्टेडियम,आबाश गृहहरु , प्रयोगशालाहरु ,छात्राबास, स्वीमिङ पुल लगायतका स्टक्चरहरु निर्माण गरिने छ ।