बुटवल, १३ चैत्र ।
विभागिय टिम एपिएफ क्लवलाई टाईबेकरमा पराजित गर्दै घरेलु टिम सुनौलो संगम क्लव बुटवलमा जारी तेस्रो मदन भण्डारी अन्तर्राष्टिय गोल्डकप फुटवल प्रतियोगिताको अन्तिम चारमा स्थान सुरक्षित गरेको छ ।
मदन भण्डारी स्पोर्टस एकेडेमी प्रदेश नं. ५ को आयोजनामा बुटवल १२ रामनगरमा रहेको मानवज्ञान माविको खेल मैदानमा भएको प्रतियोगितामा विभागिय टिम एपिएफलाई पेनाल्टी सुटआउटमा ३–१ ले पराजित गर्दै सुनौलो संगम अन्तिम चारमा स्थान सुरक्षित गरेको हो । निर्धारित सयमको खेल २–२ को बराबरीमा सकिएको थियो । थप गरिएको अतिरिक्त समयमा पनि गोल हुन नसकेपछि खेल टाईबेकरमा धकलिएको थियो ।त्यस अघि पहिलो हाफमा एफएफीले अग्रता बनाएको थियो । खेलको ४३ औं मिनेटमा युवराज खड्काले उत्कृष्ट गोल गर्दै टिमलाई अग्रता दिलाएका थिए । एक गोलले पछि परेको सुनौलो संगम दोस्रो हाफमा भने केही सुधारिएको खेल खेलेको थियो । खेलको ५४ औं मिनेटमा सुनौलो संगमका अमृत गुरुङले गोल गर्दै टिमलाई १–१ को स्थितीमा पुराएका थिए । बराबरी भएपछि निकै प्रतिस्पर्धात्मक खेलमा एफपिएफका लागि खेलको ६७ औं मिनेटमा पुनः युवराज खड्काले गोल गर्दै टिमलाई २–१ को स्थितीमा पुराए । तर त्यसको ७ मिनेटमै सुनौलो संगमका आशिस गुरुङले पेनाल्टी मार्फत गोल गर्दै टिमलाई २–२ को स्थितीमा पुराए । निर्धारित ९० मिनेटको खेल बराबरी भएपछि १५ मिनेटको समय थप गरिएको थियो । सो समयमा थप गोल नभएपछि खेल टाईबेकरमा गएको थियो ।
प्रतियोगिता प्रथम हुनेले नगद १५ लाख, द्धितिय हुनेले नगद ७ लाख ५० हजार रुपैया प्राप्त गर्ने छन । प्रतियोगितामा सेमिफाईनल पुग्ने २ टिमले नगद १ लाख प्राप्त गर्नेछन । त्यसैगरी सर्वोउत्कृष्ट खेलाडिल मोटरसाईकल प्राप्त गर्ने आयोजकको भनाई छ । उत्कृष्ट खेलाडि, उत्कृष्ट गोलकिप्पर, उत्कृष्ट गोलरक्षक, प्रशिक्षक, सर्वाधिक गोलकर्ता र उत्कृष्ट मध्यपक्ति खेलाडिले नगद २१÷२१ हजार प्राप्त गर्ने आयोजकको भनाई छ । १ करोड १० लाखको लागत अनुमान गरिएको प्रतियोगितामा आयोजक मदन भण्डारी स्पोर्टस, सुदुरपश्चिम कैलाली, नेपाल आर्मी, थ्रिस्टार क्लव, हिमालय एफसी मलेसिया, नेपाल पुलिस क्लव, मनाङ मस्याङदी, सुनौलो संगम, एपिएफ क्वल र झापा ११ को सहभागिता रहेको छ ।
प्रतियोगिता अन्तर्गत चैत १४ गते ए डिभिजन क्लव थ्रि स्टार क्लव र विदेशी टिम हिमालय मलेसियाका बीच ३ बजे हुनेछ ।