बुटवल, १६ चैत ।
बुटवलमा जारी मदन भण्डारी अन्तराष्ट्रिय नकआउट फुटवल प्रतियोगिताको शुक्रबारको खेल हावाहुरी र वर्षाका कारण रोकिएको छ । रोललललल
अचानक दिउसो साढे ३ बजेबाट आएको हावाहुरी सहितको वर्षाका कारण निक्कै रोचक हुने भनिएको आयोजक मदन भण्डारी स्पोर्टस एकेडेमी र रुस्लान थ्रीस्टार क्लब बिचको खेल रोकिएको हो ।
म्याच कमिस्नर बिकास गुरुङ्गले प्राकृतिक प्रकोपका कारण खेल रोकिएको बताए । रोकिएको खेल आईतबार दिउसो खेलाईने उनले बताए । खेल शुरु हुन अघि नै हुरी आएपछि दर्शकहरु समेत निराश भएर फर्किएका छन । शनिबार दिउसो स्थानिय युवा खेलाडीसहित साबिक बिजेता सुनौलो संगम युवा क्लब र मनाङ्ग मस्याङ्गदी क्लबका बिचमा खेल हुने उनले बताए ।
आयोजक एकेडेमीका अध्यक्ष नर बहादुर घर्तीले हावाहुरीले खेल रोकिनुका साथै प्रतियोगितामा ठुलो नोक्सान भएको बताए । मुल मञ्च, अस्थाई प्याराफिट, टेन्टहरुसमेत च्यातिएर लाखौको नोक्सान भएको बताए ।