नेपालगन्ज, १७ चैत्र ।
प्रदेश ५ का मुख्यमन्त्री शंकर पोखरेलले प्रदेश ५ लाई समृद्ध बनाउन सके सिङ्गो नेपाल समृद्ध बन्ने बताएका छन् ।
बांकेको नेपालगन्जमा शनिबार लायन्स क्लब इन्टरनेशनल वी टु ३२५ को छैठौं महाधिवेशनलाई सम्बोधन गर्दै उनको सो कुरा बताएका हुन् । अन्य प्रदेशका मुख्य मन्त्रीहरुले आफ्नो प्रदेशको विशेषतामा मात्र सिमित राखेको भन्दै मुख्यमन्त्री पोखरेलले प्रदेश ५ सबै हिसाबले विशेषता बोकेको प्रदेश भएको दाबी गरे । अरु सबै प्रदेशमा भएका बिशेषता प्रदेश ५ मा मात्रै रहेको बताउदै उनले आफुहरु सिङ्गो नेपाल बनाउने अभियानमा लागेको बताए ।
अहिले जनताले दिएको म्याडेण्ड स्थायित्व, समृद्वि र विकासको लागि भएको मुख्यमन्त्री पोखरेलको भनँई रहेको थियो । राजनिति अब पछाडी हट्न नसक्ने भन्दै उनले अबको समय विकास र समृद्विको समय भएको बताए । छोटो समयमा नै यो मुलुकलाई समृद्विको बाटोमा लग्ने सकिने बताउदै मुख्यमन्त्री पोखरेलले त्यसको लागि सबैलाई साथ दिन आग्रह गरे ।
शान्तिका अग्रदुत सिद्वार्थ गौतमबुद्वको जन्मस्थान लुम्बिनी हामीस“ग भएपनी त्यसलाई सही सदुपयोग गर्न चुकेको उनले बताए । लुम्बिनी पर्खालभित्र घेरिएर मात्र रहेको भन्दै त्यसलाई बाहीर ल्याउन नसकिएको मुख्यमन्त्री पोखरेलको जिकिर रहेको थियो । महाधिवेशनमा लायन्सलाई सहयोग पु¥याउने विभिन्न व्यक्तिहरुलाई सम्मान समेत गरिएको थियो । महाधिवेशन शनिबार नै सम्पन्न भएको आयोजकले जनाएको छ ।