काठमाडौं ८ असार । पूर्वप्रधानमन्त्री एवं नेकपा माओवादी केन्द्र का अध्यक्ष पुष्पकमल दाहाल प्रचण्डले आम नागरिकमा ठूलो निराशा पैदा हुँदै गएको अस्वीकार गर्न नसकिने बताएका छन् ।

तथ्यांकमा के छ त मैले नि भन्ने गरेको छु। योबीचमा जनताको अपेक्षा र हाम्रा नीतिबीच के फरक भयो। यसले समाजमा समस्या पैदा ‘गरिरहेको छ भन्ने जिम्मेवारी सबैको हो नि।’ उनले भने ।

बिहीबार काठमाडौंमा नेपालखबरले आयोजना गरेको राइजिङ नेपाल समिट २०२५ लाई सम्बोधन गर्दै उनले सत्य सापेक्ष हुने भन्दै जनतालाई भनेजस्तो किन सेवा सुविधान दिन सकिएन भनेर सोच्न जरुरी रहेको बताए ।

‘अहिले भ्रष्टाचारको स्थिति दुनियाँमा तुलना गर्दा नेपाल क्रमशस् भ्रष्टाचारी मुलुकभित्र अघि बढिरहेको छ । किन यति धेरै बढ्यो । अराजकता र बेथिति पनि सबैतिर ब्युरोकेसी, जुडिसियरीदेखि, लेजिस्लेटिप सबै संस्थाहरू यो अराजकता के कारणले बढेको छ भन्नेकुराको समीक्षा हुन जरुरी छ,’ उनले भने ।

उनले त्यसको समीक्षा गर्ने जिम्मेवारी राजनीतिक दलहरूको भएको पनि उनले बताए ।

‘सत्य सापेक्ष हुन्छ, निरपेक्ष हुँदैन । तर यो बीचमा जनताको अपेक्षा र हाम्रो नीतिहरुको बीचमा के अन्तरविरोध भयो, जसले ठूलो फ्रस्टेशन समाजमा पैदा हुँदै गएको छ,’ प्रचण्डले भने, ‘त्यसको समीक्षा गर्ने जिम्मेवारी पनि राजनीतिक दल, समाज, निजी क्षेत्र सबैको हो । किन भ्रष्टाचार दिनप्रतिदिन झन बढ्यो, सही निष्कर्षमा पुग्न नेगेटिभ साइट पनि हेर्नुपर्छ ।’