डोल्पा, २२ चैत । तल्लो डोल्पामा पर्ने मुड्केचुला गाउँपालिकामा रहेका दुई बिद्यालयमा अध्यायनरत आर्थिक बिपन्न परिवारका झण्डै तिन सय छात्रछात्राहरुलाई शैक्षिक र खेलकुद सामग्री बितरण गरिएको छ ।

नेपाल तरुणदल डोल्पाले मुड्केचुला गाउँ पालिका अन्तरगतका मालिका माद्यमिक बिद्यालय नर्कु र अन्नपुर्ण माद्यमिक बिद्यलय सर्मिमा अध्यायनरत आर्थिक बिपन्न परिवारका तिन सय बालबालिकाहरुलाई शैक्षिक सामाग्री अन्तरगत कपि र कलम बितरण गरेको हो ।

शिक्षाको उद्देश्य तथ्याँक पत्ता लगाउन मात्र नभई मुल्य र मान्यता स्थापित गर्नु रहेकाले सहयोगको बातावरण ल्याई शैक्षिक सामाग्रीको अभावमा बिद्यालय जानबाट बन्चित भएका बालबालिकालाई बिद्यालय जान उत्प्रेरित गर्न तरुणदल डोल्पाले सानो सहयोग गरेको नेपाल तरुणदल डोल्पाका अध्यक्ष तुलबहादुर बोहराले बताउनुभयो ।

मालिका माबि नर्कु र अन्नपुर्ण माबि सर्मिका कक्षा १ देखि ५ सम्मका तिन सय बालबालिकालाई शैक्षिक सामाग्री कपि कलम र कक्षा १० का बालबालिकालाई खेलकुद सामाग्री फुटवल र भलिबल नेपाल तरुणदलका अध्यक्ष तुलबहादुर बोहरा र नेपाली काँग्रेस डोल्पाका पुर्व महासमिती सदस्य दिलबहादुर बिष्टले बितरण गर्नु भएको थियो ।

यसैबीच अन्नपुर्ण माबिमा अध्यानरत आगलागि पिडितका १६ बालबालिकालाई समेत कपिकलम बितरण गरिएको थियो ।

बिशेष गरि डोल्पाको तल्लो क्षेत्र बिकट भएकाले अभिभावकहरुको आर्थिकस्तर पनि कम भएको र अभिभावकले आफुसंगै कामकाज र ग्वालामा लाने गरेको पाइएकोले बालबालिकालाई बिद्यालयमा आउने बातावरण सृजना गर्न तरुणदल डोलपाले अव आउने आर्थिक मसान्त देखि शैक्षिक सामाग्री लगायत झोला र स्कुल पोसाक समेतको ब्यवस्था गरि बितरण गरिने बताएको छ ।