अछाम, २७ चैत । अछामलाई असार मसान्तसम्म पूर्ण खोप सुनिश्चित जिल्ला घोषणा गरिने भएको छ । साँफेबगरमा सम्पन्न खोप कार्यक्रमको समिक्षा योजना सम्बन्धी दुई दिने अध्यावधिक गोष्ठिमा अछामलाई पूर्ण खोप सुनिश्चित जिल्ला घोषणा गर्नको लागि विभिन्न कार्यक्रम सुरुवात गर्ने विषयमा छलफल भएको छ ।

अछामलाई तीन वर्ष अघि पूर्ण खोपयुक्त जिल्ला घोषणा गरिएको थियो । तीन वटा पालिकाकाका स्वास्थ्यकर्मीलाई निर्देशन दिदै जिल्ला स्वास्थ्य कार्यालयका जनस्वास्थ्य अधिकृत झनक ढुंगानाले पूर्ण खोप सुनिश्चित जिल्ला घोषणा गर्नको लागि तयारीमा लाग्न स्वास्थ्यकर्मीलाई निर्देशन दिनुभएको छ ।

पूर्ण खोप सुनिश्चित जिल्ला घोषणा गर्नको लागि तयारी स्वरुप वैशाख महिनालाई पूर्ण खोप महिनाका रुपमा मनाईने साँफेबगर नगर स्वास्थ्य संयोजक सुरत खड्काले जानकारी दिनुभयो ।

जिल्ला स्वास्थ्य कार्यालयका जनस्वास्थ्य अधिकृत झनक ढुंगानाले जिल्लालाई पूर्ण खोपयुक्त जिल्ला घोषणा गरिएको भएपनि केही वडामा वालवालिका खोप लगाउनबाट बन्चित भएको बताउनुभयो ।

उहाँले पूर्ण खोपयुक्त कार्यक्रमलाई प्रभावकारी बनाउनको लागि सबै स्वास्थ्यकर्मीलाई निर्देशन दिनुभएको छ । कार्यक्रममा वोल्दै उहाँले २३ महिना भित्रका सबै बालबालिकालाई खोप उपलब्ध गराउने प्रतिवद्धतासहित पूर्ण खोप सुनिश्चित जिल्ला घोषणा गर्नमा लाग्न आग्रह गर्नुभयो ।

यस्तै कार्यक्रममा वोल्दै साँफेबगर उपप्रमुख विर्मला वुडथापालले घोषणालाई प्रभावकारी रुपमा कार्यान्वयनको लागि स्वास्थ्यकर्मीलाई आग्रह गर्नुभएको छ । उहाँले स्वास्थ्यकर्मीले ग्रामिण स्तरका जनतालाई दिने स्वास्थ्य सेवामा खेलाची नगर्ने आग्रह गर्नुभएको छ । यस्तै स्वास्थ्यका कर्मचारीलाई आफूखुसी विदामा नबस्ने पनि चेतावनि दिनुभयो । आम नागरिकलाई सर्वसुलभ र गुणस्तरीय सेवा उपलब्ध गराउन स्वास्थ्यकर्मीको गम्भीर ध्यानाकर्षण गराउनुभएको थियो ।

कार्यक्रममा प्रेस चौतारीका प्रदेश संगठन सदस्य पुष्पराज भट्ट, सहभागिको तर्फबाट भागेश्वर स्वास्थ्य चौकीका ईन्चार्ज शिवराज पण्डित लगायतले वोल्नुभएको थियो । नगर स्वास्थ्य संयोजक सुरत खड्काको अध्यक्षतामा भएको कार्यक्रमका प्रमुख अतिथि साँफेबगर उपप्रमुख विर्मला वुडथापा रहनु भएको थियो । कार्यक्रमको सञ्चालन पुष्प वुढाले गर्नुभएको थियो ।