काठमाडौं, १६ असार । सर्वोच्च अदालतले महान्यायाधिवक्ता नारायणदत्त कँडेल १२ वर्षदेखि नेपाल र बेलायत आउजाउ गर्दाको प्रमाणित अभिलेख पेस गर्न आदेश दिएको छ।
सर्वोच्च अदालतका न्यायाधीश विनोद शर्मा र सुनिलकुमार पोखरेलको संयुक्त इजलासले कँडेलको विदेश गर्दा आउजाउ गर्दाको प्रमाणित अभिलेख पेस गर्न मंगलबार आदेश दिएको हो। सर्वोच्च अदालतले यस सम्बन्धमा सन् २०१५ देखि २०२४ सम्मको सम्पूर्ण विवरण झिकाउनू भनी आदेश गरेको छ।
सर्वोच्च अदालतले कँडेललाई महान्यायाधिवक्तामा नियुक्तिका लागि सिफारिस गर्ने भनी गत चैत २२ मा प्रधानमन्त्रीबाट भएको निर्णय पनि झिकाएको छ।
महान्यायाधिवक्ता डा. नारायणदत्त कँडेलको योग्यतामाथि परेको रिट निवेदनको सुनुवाइपछि सर्वोच्च अदालतले कँडेलको नेपाल र बेलायत बसाइको सम्पूर्ण विवरण पेस गर्न आदेश दिएको हो।
प्रतिक्रिया दिनुहोस्