काठमाडौं । ललितपुरको चाकुपाटस्थित ब्रिटिश प्रोफेशनल कलेजका विद्यार्थीहरूले एसीसीए (ACCA) जुन २०२६ परीक्षामा उत्कृष्ट नतिजा हासिल गर्दै नेपाल र विश्वस्तरमा नयाँ सफलता हात पारेका छन्।

ब्रिटिश एजुकेशन ग्रुपअन्तर्गत सञ्चालित तथा एसीसीएको ‘प्लाटिनम एप्रुभ्ड लर्निङ पार्टनर’ र लाइसेन्स प्राप्त कम्प्युटर–बेस्ड एक्जामिनेशन सेन्टरका रूपमा परिचित कलेजका विद्यार्थीहरूले विभिन्न विषयमा नेपाल प्रथमसहित विश्वका उत्कृष्ट स्थानमा नाम दर्ज गराएका हुन्।

‘पर्फमेन्स म्यानेजमेन्ट’ विषयमा सहारा मगिया नेपाल प्रथम र विश्वमा आठौँ स्थानमा रहिन्। ‘स्ट्रेटेजिक बिजनेस लिडर’मा नेहा खतिवडा नेपाल प्रथम र विश्वमा १८औँ, तथा ‘स्ट्रेटेजिक बिजनेस रिपोर्टिङ’मा आशुतोष शर्मा नेपाल प्रथम र विश्वमा ११औँ स्थान हासिल गर्न सफल भएका छन्।

त्यसैगरी, ‘एड्भान्स्ड ट्याक्सेसन’मा आशास्वी कुमारी श्रेष्ठ नेपाल दोस्रो र विश्वमा १७औँ, ‘पर्फमेन्स म्यानेजमेन्ट’मा शेलिश्मा सिवाकोटी नेपाल तेस्रो र विश्वमा १३औँ, तथा ‘स्ट्रेटेजिक बिजनेस रिपोर्टिङ’मा राकेश साह नेपाल दोस्रो र विश्वमा १३औँ स्थान हासिल गर्दै कलेजको गौरव बढाएका छन्।

विद्यार्थीहरूको उपलब्धिप्रति खुसी व्यक्त गर्दै ब्रिटिश एजुकेशन ग्रुपका हेड अफ प्रोफेशनल एजुकेशन दीपेन्द्र के. श्रेष्ठले सफलताको श्रेय विद्यार्थीहरूको मेहनत, समर्पण र अनुभवी शिक्षकहरूको प्रभावकारी मार्गदर्शनलाई दिएका छन्।

उनले राष्ट्रिय तथा अन्तर्राष्ट्रिय स्तरमा प्राप्त यस नतिजाले ब्रिटिश प्रोफेशनल कलेजको शैक्षिक उत्कृष्टतालाई पुनः प्रमाणित गरेको उल्लेख गर्दै सफल विद्यार्थीहरूलाई बधाई तथा आगामी यात्राका लागि शुभकामना व्यक्त गरे।

कलेजले अन्तर्राष्ट्रियस्तरको शिक्षण प्रणाली, आधुनिक पूर्वाधार र अनुभवी प्राध्यापकमार्फत लेखा तथा वित्तीय क्षेत्रका दक्ष जनशक्ति उत्पादन गर्दै आएको जनाएको छ। साथै, सेप्टेम्बर २०२६ इनटेकका लागि भर्ना खुला भइसकेको र इच्छुक विद्यार्थीहरूले कलेजमा सम्पर्क गरी निःशुल्क शैक्षिक परामर्श लिन सक्ने जानकारी पनि दिएको छ।

Originally published on abcnews.com.np.