काठमाडौं । मकवानपुरमा तरकारी बोकेको ट्रक दुर्घटना हुँदा एक जनाको मृत्यु भएको छ भने चालक घाइते भएका छन्।
बुधबार बिहान पालुङबाट वीरगञ्जतर्फ तरकारी लिएर जाँदै गरेको मधेस प्रदेश ०३–००२ ख ५०९५ नम्बरको ६ चक्के डिब्बा ट्रक भीमफेदी गाउँपालिका–२ तिलटारस्थित त्रिभुवन राजमार्गमा दुर्घटनामा परेको हो। वर्षा र बाक्लो हुस्सुका कारण ओरालो सडकमा ट्रक चिप्लिएर अनियन्त्रित भई करिब १०० मिटर तल चण्डी खोलामा खसेको प्रहरीले जनाएको छ।
दुर्घटनामा ट्रकमा सवार ३६ वर्षीय अर्जुन कार्की गम्भीर घाइते भएका थिए। उनलाई उपचारका लागि हेटौँडा अस्पताल पुर्याइए पनि चिकित्सकले मृत घोषणा गरेका छन्।
दुर्घटनामा घाइते भएका ट्रक चालक मकवानपुरको राक्सिराङ गाउँपालिका–९ निवासी २३ वर्षीय रञ्जित कार्कीको हेटौँडा अस्पतालमा उपचार भइरहेको प्रहरीले जनाएको छ।
प्रहरीले दुर्घटनाको कारणबारे थप अनुसन्धान गरिरहेको छ।
Originally published on abcnews.com.np.
प्रतिक्रिया दिनुहोस्