इलाम, २ वैशाख।इलाममा रहेको चुलाचुली गाउँपालिका भवनमा अज्ञात समूहले बम विष्फोट गराएको छ । बम विस्फोटबाट गाउँपालिकाको भवनमा भ्वाङ परेको छ ।
विष्फोटबाट गाउँपालिकाको सभा हल र कार्यपालिकाको बैठक कक्ष पूर्णरुपमा क्षति भएको प्रहरीले जनाएको छ।
शनिबार राति ९ बजे कार्यालयमा ठूलो आवाजमा बम विष्फोट भएको थियो । विष्फोटबाट दुईतले भवनका छत भ्वाङ परेको र छानासमेत खसेको कार्यालयका कार्यकारी अधिकृत छवि खतिवडाले बताउनुभयो।
घटनास्थलमा हेर्दा कुकरका पाप्रा र तारहरु भेटिएकाले कुकर बम विष्फोट गराइएको हुन सक्ने बताइएको छ । जिल्ला प्रहरी कार्यालयले घटनाको अनुसन्धान भइरहेको जनाएको छ ।
प्रतिक्रिया दिनुहोस्