काठमाडौं । इजरायलमा अक्टोबर २७ मा हुने भनिएको निर्वाचनमा प्रधानमन्त्री बेन्जामिन नेतन्याहुको लिकुड पार्टीलाई पूर्वसेना प्रमुख गादी आइजेनकोट नेतृत्वको यासर पार्टीले चुनौती दिने देखिएको छ।

‘टाइम्स अफ इजरायल’को हिब्रु संस्करण ‘जमान इसरायल’ले बिहीबार सार्वजनिक गरेको नयाँ सर्वेक्षणमा आइजेनकोटको यासरले २५ सिट जित्ने अनुमान गरिएको छ। त्यस्तै, नेतन्याहुको लिकुड पार्टी २१ सिटमा सीमित हुने देखिएको छ।

यसअनुसार यासर लिकुडभन्दा चार सिटले अगाडि देखिएको छ। पछिल्ला केही हप्तामा सार्वजनिक भएका अधिकांश सर्वेक्षणले पनि यासरलाई अग्रस्थानमा देखाएका छन्। यद्यपि, ती सर्वेक्षणमा दुवै दलबीचको अन्तर निकै कम रहेको देखिएको थियो।

धेरैजसो सर्वेक्षणमा लिकुड बराबर वा यासरभन्दा एकदेखि दुई सिटसम्म मात्र पछाडि देखिएको थियो। तर पछिल्लो सर्वेक्षणमा भने यासर र लिकुडबीच चार सिटको अन्तर देखिएपछि नेतन्याहुको राजनीतिक भविष्यबारे नयाँ बहस सुरु भएको छ।

पूर्वसेना प्रमुख आइजेनकोटको पार्टीले लोकप्रियता बढाउँदै लगेमा आगामी निर्वाचनमा नेतन्याहुलाई सत्ता जोगाउन चुनौती थपिन सक्ने आकलन गरिएको छ।

Originally published on abcnews.com.np.