काठमाडौँ । पछिल्लो २४ घण्टामा देशका विभिन्न स्थानमा भएका छुट्टाछुट्टै सवारी दुर्घटनामा परी ६ जनाको मृत्यु भएको छ। दुर्घटनामा १११ जना घाइते भएको प्रहरीले जनाएको छ।
प्रहरीका अनुसार सर्लाही, नवलपरासी पूर्व, दाङ, सुर्खेत, जाजरकोट र डोटीमा भएका छुट्टाछुट्टै दुर्घटनामा ६ जनाको मृत्यु भएको हो।
दुर्घटनामा घाइते हुनेमध्ये काठमाडौँ उपत्यकामा १५ जना छन्। यस्तै, बागमती प्रदेशमा १०, कर्णालीमा ७, सुदूरपश्चिममा ९, लुम्बिनीमा २९, मधेशमा २४ र कोसी प्रदेशमा १७ जना घाइते भएका छन्।
प्रहरीले दुर्घटनामा मृत्यु भएकाहरूको विस्तृत विवरण भने सार्वजनिक गरिसकेको छैन। दुर्घटनाका सम्बन्धमा थप अनुसन्धान भइरहेको प्रहरीले जनाएको छ।
Originally published on abcnews.com.np.
प्रतिक्रिया दिनुहोस्