काठमाडौं । राष्ट्रिय स्वतन्त्र पार्टी (रास्वपा) ले ११ सदस्यीय सचिवालय गठन गरेको छ।
शुक्रबार बसेको पार्टीको केन्द्रीय समिति बैठकले सचिवालयका ११ सदस्यको नाम अनुमोदन गरेको नेता मनिष झाले जानकारी दिए।
नवनियुक्त सचिवालय सदस्यमा शिशिर खनाल, गणेश पराजुली, विराजभक्त श्रेष्ठ, कबिन्द्र बुर्लाकोटी, मनोहर प्रधान र लिमा अधिकारी रहेका छन्।
त्यस्तै जगदीश खरेल, समीक्षा बास्कोटा, शिव नेपाली, इन्दिरा राना मगर र मनिष झा पनि सचिवालय सदस्यमा चयन भएका छन्।
पार्टीको संगठनात्मक गतिविधि तथा दैनिक निर्णय प्रक्रियालाई थप व्यवस्थित र प्रभावकारी बनाउन सचिवालय गठन गरिएको रास्वपाले जनाएको छ।
Originally published on abcnews.com.np.
प्रतिक्रिया दिनुहोस्