काठमाडौं । राष्ट्रिय स्वतन्त्र पार्टी (रास्वपा)ले केन्द्रीय सदस्य प्रमोद न्यौपानेलाई संगठन विभाग प्रमुखको जिम्मेवारी दिएको छ।

शुक्रबार बसेको केन्द्रीय समिति बैठकले न्यौपानेलाई संगठन विभाग प्रमुखमा मनोनीत गरेको हो। रास्वपा नेता मनिष झाले पूर्वकोषाध्यक्ष तथा सांसद लीमा अधिकारीलाई अर्थ विभाग प्रमुखमा अनुमोदन गरिएको जानकारी दिए।

प्रशिक्षण विभाग प्रमुखको जिम्मेवारी भने महामन्त्री विपिन आचार्यले नै सम्हाल्ने भएका छन्। प्रशिक्षण विभागको उपप्रमुखमा सांसद कमल सुवेदीलाई मनोनीत गरिएको छ।

विभागको जिम्मेवारी बाँडफाँट

रास्वपा केन्द्रीय समिति बैठकले संगठन, अर्थ तथा प्रशिक्षण विभागको नेतृत्वसम्बन्धी निर्णय गरेको हो। संगठन विभागको जिम्मेवारी न्यौपानेलाई दिइएको छ भने आर्थिक विभागको नेतृत्व अधिकारीले गर्ने भएकी छन्।

प्रशिक्षण विभागको नेतृत्व महामन्त्री आचार्यले नै निरन्तरता दिने र उपप्रमुखमा सुवेदीलाई जिम्मेवारी दिइएको हो।

Originally published on abcnews.com.np.