काठमाडौं । प्रधानमन्त्री वालेन्द्र शाह (बालेन) र प्रधानन्यायाधीश डा. मनोजकुमार शर्मा शुक्रबार पोखरा पुगेका छन्। दुवै जना छुट्टाछुट्टै कार्यक्रमका लागि पोखरा पुगेका हुन्।

प्रधानमन्त्री शाह मुस्ताङ यात्राका लागि पोखरा पुगेका हुन्। उनी पोखराबाट कास्कीको माछापुच्छ्रे गाउँपालिका–६, अस्तामस्थित अन्नपूर्ण ईको भिलेज रिसोर्ट जाने कार्यक्रम छ।

यता प्रधानन्यायाधीश शर्मा जेनजी आन्दोलनका क्रममा आगजनी तथा तोडफोड भएका अदालत भवनको निरीक्षणका लागि पोखरा पुगेका हुन्। प्रधानन्यायाधीशको सचिवालय स्रोतका अनुसार शर्मा शुक्रबार पोखरामै रहनेछन्।

शर्माको बसाइ पोखराको सहिदचोकस्थित नेपाल राष्ट्र बैंकको गेस्ट हाउसमा तय भएको छ। शनिबार भने उनी पोखराबाट पर्वत, बागलुङ र म्याग्दी जाने कार्यक्रम रहेको जनाइएको छ।

प्रधानमन्त्री शाह र प्रधानन्यायाधीश शर्माबीच पोखरामा भेटघाटको कुनै कार्यक्रम नरहेको बताइएको छ। प्रधानन्यायाधीश शर्माको मुस्ताङ जाने कार्यक्रमसमेत नरहेको जनाइएको छ।

Originally published on abcnews.com.np.