काठमाडौं । प्रधानमन्त्री वालेन्द्र शाह (बालेन) शनिबार निजी भ्रमणका क्रममा मुस्ताङतर्फ जाने क्रममा बागलुङ र पर्वतको सीमामा रहेको मालढुंगा पुगेका छन्।

भदौ ६ गते शनिबार प्रधानमन्त्री शाह सुरक्षाकर्मीको अगुवापछुवासहित मालढुंगा पुगेका हुन्। उनको आगमनलाई मध्यनजर गर्दै मालढुंगा आसपास तथा सडकका विभिन्न स्थानमा सुरक्षाकर्मी परिचालन गरिएको थियो।

स्रोतका अनुसार प्रधानमन्त्री शाहको मुस्ताङ भ्रमण निजी प्रकृतिको रहेको छ। सोही यात्राका क्रममा उनी बागलुङ र पर्वतको सीमामा पर्ने मालढुंगा पुगेका हुन्।

यद्यपि, प्रधानमन्त्रीको मुस्ताङ यात्राको विस्तृत कार्यक्रम र उनी कति दिनसम्म त्यहाँ रहने भन्नेबारे औपचारिक जानकारी सार्वजनिक गरिएको छैन।

प्रधानमन्त्री तथा मन्त्रिपरिषद्को कार्यालयले यसअघि प्रधानमन्त्रीको मुस्ताङ भ्रमण नितान्त निजी रहेको स्पष्ट पारिसकेको छ।

प्रधानमन्त्री शाहको भ्रमण निजी भनिए पनि उच्च पदस्थ व्यक्तिको सुरक्षालाई ध्यानमा राख्दै उनको यात्रामा आवश्यक सुरक्षाकर्मी परिचालन गरिएको छ।

Originally published on abcnews.com.np.