काठमाडौं, ४ बैशाख । एमाले पार्टी सचिव योगेश भट्टराई पाचथर संग जोडिएको भारतको सिक्किम सीमामा पुगेका छन् । उक्त नाकालाई नियमित आवतजावत गर्ने सम्भावनाको अध्ययन गर्न आफ्नो टोली त्यहा पुगेको जानकारी दिएका छन् ।

३१२१ मिटर उचाइमा रहेको चिवाभन्ज्याङ नाकालाई प्रयोगमा ल्याउन सके पर्यटकिय तथा आर्थिकरुपमा नेपालले फाइदा लिन सक्ने भट्टराईले बताए । भट्टराईले भारतको सीमा सुरक्षा बल, सिक्किम सशस्त्र प्रहरी र सिक्किम पुलिसका सुरक्षाकर्मीहरुसँग भेटघाट गरेका   थिए ।

उक्त नाकामा भारतीय पक्षको सुरक्षा निकाय उपस्थित भएको तर नेपालको तर्फबाट सुरक्षा निकायको उपस्थिति नहुदा विभिन्न  समस्या भोगेको स्थानियबासीको गुनासो रहेको छ । उक्त सीमामा सीमा सुरक्षा पोस्ट स्थापना गराउन नेपाल सरकारको गम्भीर ध्यानाकर्षण गराउने एमाले पार्टी सचिव तथा सांसद योगेश भट्टराईले बताए ।

यो नाका मध्यपहाडी लोकमार्गको पूर्वको सुरु बिन्दु रहेको र यस नाका सुचारु गर्न सकेमा पाथिभरा, तिम्बुङ्पोखरी, सिदिङ्माधाम जाने सिक्किम तथा पश्चिम बंगालबाट आउने पर्यटकको ठूलो संख्यामा बृद्धिहुने देखिन्छ । अध्ययन टोलीमा याङवोरक गाउपालिका पाचथरका अध्यक्ष लेखनाथ घिमिरे र वडाध्यक्षहरु, सिदिङ्मा गाउपालिका ताप्लेजुङ्का उपप्रमुख जीवन ताम्लिङ, युव नेता सन्तोष प्रसाई सहित कारीब १५ जनाको सहभागिता रहेको थियो ।