काठमाडौं । ललितपुर पाटनकी तिशा शाक्यले १९औँ संस्करणको मिस नेवाः नेपालको उपाधि जितेकी छन्। फाइट फर लाइफ नेपाल र नेप्लिज फेसन होमको आयोजनामा भएको प्रतियोगितामा १६ प्रतिस्पर्धीलाई पछि पार्दै तिशाले उपाधि हात पारेकी हुन्।

सारिका महर्जन फर्स्ट रनर्सअप र जेसिका श्रेष्ठ सेकेन्ड रनर्सअप घोषित भए। उपाधिसँगै तिशाले नगद एक लाख रुपैयाँ पुरस्कार प्राप्त गरिन्। फर्स्ट रनर्सअप महर्जनले ५० हजार र सेकेन्ड रनर्सअप श्रेष्ठले २५ हजार रुपैयाँ प्राप्त गरे।

प्रतियोगितामा सबनम शाक्यले मिस ट्यालेन्टको उपाधि जितिन्। हिमानी प्रधान फर्स्ट रनर्सअप र करुणा चक्रधर सेकेन्ड रनर्सअप घोषित भए।

त्यस्तै करुणा चक्रधर र शिक्षा महर्जनलाई सोसियल वेलफेयर एम्बेसडर चिफको उपाधि प्रदान गरिएको छ। यस विधामा सारिका महर्जन फर्स्ट रनर्सअप र दृष्टि महर्जन सेकेन्ड रनर्सअप बने।

तिशाले गोदावरी नगरपालिका बेस्ट नेपालभाषाको उपाधिसमेत जितेकी छन्।

प्रतियोगिताको आयोजना

फाइट फर लाइफ नेपाल र नेप्लिज फेसन होमले संयुक्त रूपमा आयोजना गरेको मिस नेवाः नेपाल १९ मा १६ जना प्रतिस्पर्धी सहभागी थिए। प्रतियोगितामा सहभागीहरूको प्रतिभा, व्यक्तित्व, नेपालभाषा तथा सामाजिक गतिविधिमा उनीहरूको संलग्नतालगायत विभिन्न पक्षको मूल्याङ्कन गरिएको आयोजकले जनाएको छ।

Originally published on abcnews.com.np.