काठमाडौँ । सामसङ नेपालले उपभोक्तालाई लक्षित गर्दै मनसुन अफर सार्वजनिक गरेको छ। कम्पनीले टेलिभिजन, वासिङ मेसिन तथा रेफ्रिजेरेटर खरिदमा विशेष क्यासब्याक, निःशुल्क सेवा तथा विभिन्न उपहारको व्यवस्था गरेको जनाएको छ।
प्रिमियम प्रविधि र आधुनिक घरेलु उपकरणलाई उपभोक्ताको पहुँचमा सहज रूपमा पुर्याउने उद्देश्यले अफर ल्याइएको कम्पनीको भनाइ छ। अफरअन्तर्गत विभिन्न होम अप्लायन्स खरिदमा २३ प्रतिशतसम्म क्यासब्याक उपलब्ध हुनेछ।
टेलिभिजन खरिद गर्ने उपभोक्ताले १२ महिनासम्म निःशुल्क नेटटिभी सब्स्क्रिप्सन प्राप्त गर्न सक्नेछन्। साथै, निश्चित उत्पादन खरिदमा निःशुल्क साउन्डबारलगायतका उपहार जित्ने अवसरसमेत रहेको कम्पनीले जनाएको छ।
वासिङ मेसिनमा २३ प्रतिशतसम्म क्यासब्याक
सामसङका ७ देखि १२ केजी क्षमताका एआई इकोबबल वासर ड्रायर, फ्रन्ट लोड, एफएटीएल (FATL) तथा एसएटीएल (SATL) वासिङ मेसिन खरिदमा २३ प्रतिशतसम्म तत्काल क्यासब्याक उपलब्ध हुने बताइएको छ।
त्यस्तै, सामसङका सिंगल डोर, डबल डोर तथा साइड–बाई–साइड रेफ्रिजेरेटर खरिदमा १७ प्रतिशतसम्म क्यासब्याक प्रदान गरिने कम्पनीले जनाएको छ।
सीमित समयका लागि अफर
सामसङ नेपालका अनुसार मनसुन अफर सीमित अवधिका लागि मात्र लागू हुनेछ। अफरअन्तर्गतका उत्पादन, छुट, उपहार तथा अन्य सर्तसम्बन्धी विस्तृत जानकारी कम्पनीको आधिकारिक वेबसाइट तथा सामाजिक सञ्जालमार्फत प्राप्त गर्न सकिनेछ।
Originally published on abcnews.com.np.
प्रतिक्रिया दिनुहोस्