काठमाडौं । टप एन्ड टी–२० सिरिजमा नेपाल ‘ए’ले होबर्ट हुरिक्यान्स एकेडेमीसामु १५५ रनको लक्ष्य प्रस्तुत गरेको छ । डार्विनस्थित मरारा क्रिकेट मैदानमा टस हारेर ब्याटिङको निम्तो पाएको नेपाल एले निर्धारित २० ओभरमा आठ विकेट गुमाएर १५४ रनको योगफल तयार पारेको थियो ।

नेपालका कुशल भुर्तेलले ३९, मयन यादवले ३१, कप्तान अनिलकुमार साहले २८, लोकश बमले अविजित २० र तृतराज दासले १० रन बनाए । होबर्टका राफ म्याकमिलनले तीन, मार्कस बीनले दुई तथा निवेथन राधाकृष्णन र ब्राडली होपले एक–एक विकेट लिए ।

आफ्नो तेस्रो खेल खेल्दै गरेको नेपाल पहिलो जितको लक्ष्यमा छ । यसअघि नेपालले आयोजक नर्दन टेरिटोरी स्ट्राइकसँग आठ विकेट र बंगलादेश हाई–परफर्मेन्स टिमसँग ९ विकेटको हार व्यहोरेको थियो । यता, होबर्ट पनि पहिलो जितको लक्ष्यमा छ । टोलीले यसअघि भिक्टोरिया क्रिकेट संघ–११ सँग पाँच विकेट र बंगलादेश हाई–परफर्मेन्स टिमसँग तीन विकेटले पराजित भएको थियो।

खेलको नतिजा

नेपाल ‘ए’ ले प्रस्तुत गरेको १५४ रनको लक्ष्य होबर्ट हुरिक्यान्स एकेडेमीले पछ्याउनेछ । नेपालले आफ्नो तेस्रो खेलमा जित हात पार्न चाहेको छ, जबकि होबर्ट पनि पहिलो जितको खोजीमा रहेको छ।

Originally published on abcnews.com.np.