पोखरा । सामाजिक अभियन्ता तथा उद्यमी बिप्लव हमालले प्रधानमन्त्री दैवी प्रकोप उद्धार राहत कोषमा १ लाख १ हजार १११ रुपैयाँ सहयोग गर्नुभएको छ।

प्राकृतिक विपत्तिबाट प्रभावित नागरिकको उद्धार तथा राहतमा सहयोग पु¥याउने उद्देश्यले उक्त रकम कोषमा जम्मा गरेको हमालले बताउनुभयो।

उहाँले बिहीबार, २७ अगस्ट २०२६ मा प्रधानमन्त्री राहत कोषमा रकम जम्मा गर्नुभएको हो। हमाल रोटरी इन्टरनेसनल डिस्ट्रिक्ट ३२९२ नेपाल–भुटानका असिस्टेन्ट गोभर्नर तथा लायन्स इन्टरनेसनलका जोन चेयरपर्सनसमेत हुनुहुन्छ।

विपत्तिको दुःखद् घडीमा आफूले गरेको सहयोगलाई मानवीय दायित्वका रूपमा लिनुपर्ने बताउँदै हमालले सहयोग रकम सानो वा ठूलोभन्दा पनि विपत्तिमा परेका नागरिकको पीडामा देखाइने साथ र ऐक्यबद्धता महत्वपूर्ण हुने बताउनुभयो।

उहाँले भन्नुभयो, ‘सहयोग रकम सानो वा ठूलोभन्दा पनि विपत्तिमा परेका नागरिकको पीडामा हामीले देखाउने साथ र ऐक्यबद्धता महत्वपूर्ण हुन्छ। आफ्नो क्षमताअनुसार सबैले सहयोगको हात अगाडि बढाउनुपर्छ।’

प्राकृतिक विपत्तिका कारण पीडामा रहेका परिवारलाई तत्काल राहत उपलब्ध गराउन सरकारी कोषमा सहयोग गर्ने अभियानमा निजी क्षेत्र, सामाजिक संस्था तथा आम नागरिकको समेत सहभागिता आवश्यक रहेको उहाँले बताउनुभयो।

राजनीति तथा अन्तर्राष्ट्रिय सम्बन्धमा स्नातकोत्तर तहमा अध्ययनरत हमाल सामाजिक तथा व्यावसायिक क्षेत्रमा सक्रिय हुनुहुन्छ।

Originally published on abcnews.com.np.