बुटवल, ५ बैशाख ।
प्रदेश ५ को आज बसेको मन्त्रीपरिषद बैठक आफैले खाने तलब सुबिधा तोक्दै सम्पन्न भएको छ । बैठकले मुख्यमन्त्री, मन्त्री, राज्य मन्त्री, सहायक मन्त्री लगायत अन्य मन्त्रीहरुको पारिश्रमिक निर्धारण गर्न बनेको बिधेयक तथा प्रदेशसभाका पदाधिकारी र सदस्यहरुको पारिश्रमिक तय गर्न बनेको बिधेयक प्रदेशसभामा पेश गर्ने निर्णय गरेको छ । बैठकले प्रदेश सभामा काम गर्नका लागि प्रदेश सभा सचिवालय गठन गर्ने निर्णय समेत गरेको बैठक पछि उद्योग, पर्यटन तथा बनमन्त्री लिला गिरीले जानकारी दिनुभयो ।
बैठकले मुख्य मन्त्रीको तलव ६० हजार ९ सय ७० रुपैयां प्रस्ताब गरेको छ भने मन्त्रीहरु, राज्य मन्त्री र सहायक मन्त्रीहरुको तलब क्रमस ५२ हजार, ४९ हजार र ४७ हजार कायम गर्न प्रदेश सभा समक्ष प्रस्ताब गरेको छ । त्यस्तै प्रदेश सभामुखको तलव ५३ हजार प्रस्ताव गरेको छ भने उप सभामुखको ५० हजार, सचेतकको ४८ हजार कायम गर्न प्रस्ताव गरेको छ ।
त्यस्तै प्रदेश सभा सदस्यहरुको तलव ४५ हजार कायम गर्न प्रस्ताव गरेको मन्त्री गिरीले जानकारि दिनुभयो ।