विराटनगर । जिल्ला कारागार मोरङका कैदीबन्दीहरूले जिल्ला प्रशासन कार्यालय मोरङ तथा प्रमुख जिल्ला अधिकारीविरुद्ध नाराबाजी गरेका छन्।

लागूऔषध कारोबारको आरोपमा आफूहरूलाई मानसिक दबाब दिने, पैसा माग्ने तथा ‘गोली हान्छु’ भन्दै धम्की दिने गरिएको आरोप लगाउँदै कैदीबन्दीहरूले आइतबार राति कारागारभित्र नाराबाजी गरेका हुन्।

कैदीबन्दीहरूले हतियारसहित प्रहरी कारागारभित्र राखिएको भन्दै विरोध जनाएका थिए। उनीहरूले यस विषयमा प्रधानमन्त्री र गृहमन्त्रीको ध्यानाकर्षणसमेत गराएका छन्।

नाराबाजीका क्रममा कैदीबन्दीहरूले प्रधानमन्त्री बालेन्द्र शाह र गृहमन्त्री सुधन गुरुङको पक्षमा समेत नारा लगाएका थिए।

कैदीबन्दीहरूले लगाएका आरोप र कारागारभित्र हतियारसहित प्रहरी परिचालन गरिएको विषयमा सम्बन्धित प्रशासन तथा सुरक्षा निकायको आधिकारिक प्रतिक्रिया भने सार्वजनिक भएको छैन।

Originally published on abcnews.com.np.