शेयर गर्नुहोस:
फन्ट परिवर्तन गर्नुहोस:
गोरखापत्र समाचारदाता
काठमाडौँ, भदौ १९ गते । पाकिस्तानका प्रधानमन्त्री मुहम्मद सहबाज सरिफले भोटेकोशी बाढीबाट भएको जनधनको क्षतिप्रति गहिरो दुःख तथा समवेदना व्यक्त गर्नुभएको छ ।
इस्लामाबादस्थित नेपाली दूतावासको भ्रमण गरी पाकिस्तानका लागि नेपालका राजदूत रीता धितालसँग भेट गर्नुहुँदै उहाँले भदौ १० गतेको भोटेकोशी बाढीबाट भएको जनधनको क्षतिप्रति दुःख व्यक्त गर्नुका साथै दिवङ्गतप्रति समवेदना प्रकट गर्नुभएको हो ।
प्रधानमन्त्री सरिफ आफ्ना सहयोगीसहित नेपाली दूतावास पुग्नुभएको थियो । यसअघि पाकिस्तानका राष्ट्रपति आसिफ अली जरदारी र प्रधानमन्त्री सहबाज सरिफले पनि नेपालमा भएको जनधनको क्षतिप्रति दुःख व्यक्त गर्नुभएको थियो ।
Originally published on abcnews.com.np.
प्रतिक्रिया दिनुहोस्