तेह्रथुम, २५ वैशाख । तेह्रथुम जिल्ला अस्पतालमा सुत्केरी हुन आएकी एक महिलाको मृत्युपछि अस्पताल तनावग्रस्त भएको छ । तीनदिन अघि प्रसुति गराउन अस्पताल भर्ना भएकी म्याङलुङ्ग नगरपालिका–८, आम्बुङकी ३५ वर्षीया रत्नमाया मगरको ज्यान गएपछि आफन्तले अस्पतालमा नाराबजी गर्दै ढंगामुढा गरेका छन् ।

चिकित्सकको लापरबाहीका कारण ज्यान गएको भन्दै आफन्तले शव बुझ्न अस्विकार गरेका छन् । रत्नमायाको सोमबार साँझ ज्यान गएको अस्पतालले जनाएको छ ।

सुत्केरी ब्यथा लाग्ने औषधि दिएपछि सन्तमायाको मृत्यु भएको भन्दै परिवार र महिला अधिकारकर्मीहरूले अस्पताल प्रशासनको चरम लापरबाही भन्दै विरोध गरेका छन् ।

सुत्केरी व्यथा लागेर सुरक्षित सुत्केरीका लागि शनिबार दिउँसो अस्पताल आएकी मगरको उपचार राम्रोसँग नगरेको आफन्तले आरोप लगाएका छन् । रत्नमायाको शवबेडमै राखिएको छ ।

पत्नीको मृत्युपछि उनका पति टेकबहादुर मगर भने अचेत अवस्थामा अस्पतालको गेट बाहिर बसिरहेका छन् । अचेत अवस्थामा रहेका उनका पतिलाई उपचार गराउनका सट्टा अस्पताल परिसरमा सुरक्षामर्कीले सुरक्षा दिइरहेका छन् ।