झापा, २३ साउन । झापामा जंगली हात्तीका कारण स्थानीय पीडित छन् । वर्षेनी जंगली हात्तीले बितण्डा मच्चाउँछ । वर्षेनी हात्ती आतंक खेप्दै आएको झापालीले हात्ती आतंक समाधान गर्न माग गर्दै प्रधानमन्त्री शेरबहादुर देउवालाई पत्र पठाएका छन् ।
झापाका दुई नगरपालिका र तीन गाँउपालिकाका ३ हजारभन्दा बढी हात्ती पीडित स्थानीयले हस्ताक्षर गरेको ज्ञापनपत्र नेपाली काँग्रेसका वरिष्ठ नेता तथा सांसद कृष्णप्रसाद सिटौला मार्फत प्रधानमन्त्री देउवालाई पत्र पठाएका हुन् । नेपाली काँग्रेसका क्षेत्रीय सभापति गणेश पोखरेलले नेता सिटौलालाई स्थानीयले हस्ताक्षर गरेको ज्ञापनपत्र बुझाउनु भयो ।

ज्ञापनपत्र बुझदै नेता सिटौलाले हात्ती आतंक नियन्त्रणमा सरकार गम्भीर रहेको बताउँदै तत्कालै प्रधामन्त्रीलाई ज्ञापनपत्र बुझाउने बताउँनु भयो । करिव ६ हजार ३ सय हेक्टर क्षेत्रमा फैलिएको जलथल जंगलको विस्तृत कार्य योजना तयार गरी जलथलदेखि भेलागडी, चाराआली हुँदै बाहुण्डागीसम्म जैविक मार्ग निर्माण गरी जलथल जंगल वरिपरि विद्युतीय तारवार सहितको विस्तारित योजना जिल्ला वन कार्यालय झापामा मार्फत यसअघि नै वन मन्त्रालयमा पेश भई सकेको छ ।

उक्त योजना तत्काल कार्यान्वयनमा ल्याउन बजेट विनियोजन गरी जंगली हात्ती आतक समस्याको समाधान गरिनुपर्ने स्थानीयवासीको माग रहेको छ । विगत केही बर्षदेखि झापाको भद्रपुर, विर्तामोड, हल्दिवारी, बाह्दशी र कचनकवल लगायत आसपासको क्षेत्रमा जंगली हात्तीको झुण्डले आंतक मच्चाउनुका साथै भौतिक तथा मानविय क्षति समेत पुर्याउँदै आएको छ । स्थानीयमा त्रास छाएसँगै नेपाली काग्रेसका क्षेत्रीय समिति, नगर तथा गाउँपालिका समितिमा आवद्ध कार्यकर्ता र हात्ती पीडित स्थानीयले हात्ती नियन्त्रणका लागि हस्तक्षार अभियान सुरु गरेको क्षेत्रीय सभापति गणेश पोखरेलले बताउँनु भयो ।

योजना कार्यान्वयन गराउन सरकारलाई दवाव स्वरुप हस्ताक्षर अभियान सुरु गरिएको उहाको भनाई छ । त्यस्तै हल्दिवारी गाउँपालिका निवासी हात्ती पिडित दिलीप मावोले जलथलको चारकोशे जगलमा बस्दै आएको हात्तीको झुण्डले स्थानीयमा त्रास छाएको बताउनु भयो । उहाले त्यहाको वनमा आधा दर्जन बढी हात्ती बस्दै आएको र समूह बनाएर स्थानीयको घर भत्काउने, अन्नबाली खाइदिने, नष्ट गरिदिने, मानिसलाई आक्रमण गर्ने जस्ता क्रियाकलाप बढदै गएको उनको भनाइ छ । हात्ती अतंकले गाउँबासी रातभर गस्ती गर्नुपर्ने बाध्यतामा छन् ।