बुटवल, २७ बैशाख ।
प्रदेश नं. ५ को प्रदेशसभाकाको प्रथम अधिबेशन ४ वटा बिधेयकहरु पास गर्दै सकिएको छ । प्रदेश सभा सचिवालयले आज बुटवलमा पत्रकार सम्मेलन गर्दै सभामा ८ बिधेयक प्रस्तुत भएकोमा ४ वटा बिधेयक पास भएको जानकारी दिएको छ ।
२० घण्टा २ मिनेट बैठक बस्दै १७ दिनमा २२ वटा बैंठक सम्पन्न गरेको थियो । प्रदेश सभा सचिवालयका अनुसार सभाबाट ४ वटा विधेयक विधान समितिमा पठाइएकोमा विधान समितिले प्रतिबेदन सहित १ वटा विधेयक सभामा पेश गरेको र २ वटा विधेयक समितिमा नै विचारधिन र एक वटा विधेयक प्रदेश सभामा पेश भएपनि पास हुन बांकी रहेको छ । संसदको पहिलो अधिबेशनबाट प्रदेश नंं ५ को प्रदेश सरकारको आर्थिक कार्यविधि नियमित तथा व्यवस्थित गर्न बनेको विधेयक, सार्वजनिक 
लिखत प्रमाणीकरण कार्यविधिको सम्बन्धमा व्यवस्था गर्न बनेको विधेयक, प्रदेश सरकारको आव ०७४÷०७५ को सेवा र कार्यहरुको लागि प्रदेश सचिव कोषबाट केही रकम खर्च गर्ने र विनियोजन गर्ने सम्बन्धमा व्यवस्था गर्न बनेको विधेयक पास गरेको थियो । त्यसैगरी विधान समितिले दफाबार छलफल गरी स्थानिय तहका पदाधिकारी तथा सदस्यहरुले पाउने सुविधाको सम्बन्धमा व्यवस्था गर्न बनेको विधेयक समेत पास गरेको थियो ।
पत्रकार भेटघाट कार्यक्रममा बोल्दै प्रदेश नंं ५ का सभामुख पुर्णबहादुर घर्तीले प्रदेश सभाको भौतिक पुर्वाधार नभएकै अवस्थामा पनि निकै सौहार्दपूर्ण तरीकाबाट प्रथम अधिवेशन सकिएको दाबी गर्नुभयो । उहांले सभाले गर्नुपर्ने प्राय सबै कामहरु समय सिमा भित्रै सम्पन्न गरेको बताउंदै प्रदेश सरकारले स्थायी राजधानी र प्रदेशको नामको प्रस्ताव सभामा प्रस्तुत नगरेकाले त्यो काम भने बांकी रहेको स्पष्ट पार्नुभयो । सबैलाइ मान्यहुने गरि प्रदेशको स्थायी केन्द्र प्रस्ताव गर्न प्रदेश सरकारले यस बैठकमा प्रस्ताव नल्याएको हुन सक्ने घर्तीको अनुमान थियो ।
पत्रकार भेटघाटमा प्रदेशसभाले गरेका गतिबिधीका बारेमा प्रदेश सभा सचिवालयका सचिव मानबहादुर बिश्वकर्माले जानकारी दिनुभएको थियो ।
१७ श्रावण २०८३, आइतबार
प्रदेश सरकारले प्रस्ताव नल्याएकाले प्रदेश ५ को नाम र स्थायी केन्द्र बन्न सकेन : सभामुख घर्ती
sharan sharan
२७ बैशाख २०७५, बिहिबार १० : २५ बजे
प्रतिक्रिया दिनुहोस्