काठमाडौं, जेठ ६ । आइपीएलको ११ औं संस्करण अन्तर्गत अहिले दिल्ली डेयरडेभिल्स र मुम्बई इन्डियन्सबीचको खेल जारी छ । नेपाली युवा बलर सन्दीप लामिछानेले दिल्लीका लागि पाँचाैं विकेट झारेका छन् ।
फेरि १० ओभरमा व्यक्तिगत दोस्रो ओभर बलिङ गरेका सन्दीपले पहिलो बलमा किरोन पोलार्ड र तेस्रो बलमा क्रुनाल पाण्डेयलाई आउट गरेका हुन् ।
तीन ओभर बलिङ गरेका सन्दीपले ३ विकेट लिइदै ३२ रन दिए । पहिलो ओभरमा सन्दीपको बलमा सूर्यकुमार यादव विजय शंकरबाट क्याच आउट भए ।
दिल्लीको कोट्ला मैदानमा जारी खेलमा टस जितेर पहिला व्याटिङ गरेको दिल्लीले पूरै २० ओभर खेल्दै ४ विकेटको क्षतिमा १७४ रन बनाउन सफल भयो ।
१७५ रनको विजय लक्ष्यसहित व्याटिङ गरिरहेको मुम्बईले ताजा अवस्थामा १० ओभरको समाप्तीमा ५ विकेटको क्षतिमा ८० रन बनाएको छ ।
प्रतिक्रिया दिनुहोस्