पोखरा, १३ जेठ । क्रिकेटर सन्दिप लामिछानेलाई अटो व्येज प्रालि र प्रतिभा माबि पोखराले सम्मान गरेको छ ।

पोखरामा आईतबार आयोजित सम्मान कार्यक्रममा ईण्डियन प्रिमियर लिगमा राष्ट्रको शिर उचो बनाउने गरी सानदार खेल प्रस्तुत गरेको भन्दै ४ नं प्रदेशका सामाजिक बिकास मन्त्री तथा बिद्यालय ब्यबस्थापन समितिका अध्यक्ष नरदेबी पुनले सम्मान गरेका हुन् । लामिछानेलाई दोसल्ला, सम्मानपत्र तथा नगद रु १ लाख सहित सम्मान गरीएको हो ।

सोही अबसरमा बोल्नुहुदै मन्त्री नरदेबी पुनले खेलाडीहरुको लागि आवश्यक पर्ने बाताबरण तथा निति नियम बनाउने प्रकृयामा रहेको बताउनुभयो ।

सन्दिप लामिछाने एक उदाहरणिय गहना रहेको भन्दै देशको शिर उचो बनाउन मद्दत पुग्ने भएकाले उनलाई उचित सम्मान तथा प्रोत्साहान दिनुपर्ने बताउनुभयो ।

सोही क्रममा सम्मान ग्रहण गर्दे सन्दिपले आफुलाई गरेको सम्मान आफुले सोच भन्दा बढि भएको भन्दै खुशी ब्यक्त गरे । उनले बिद्यार्थीहरुलाई खेल सँगै पढाईलाई बढि निरन्तरता दिनुपर्नेमा जोड दिए।