सर्लाही, १४ जेठ । बर्षौ देखि शुद्द पिउने खानेपानीको समस्या झेल्दै आएका हरिवन ५ स्थानियबासिको अब समस्या छिटै समाधान हुने भएको छ। खानेपानीको समस्या समाधानका लागि करिब १० करोडको लगानीमा खानेपानी ओभर हेट ट्यांकी निर्माण गरिने भएको छ ।

नेपाल सरकारको ८ करोड र स्थानिय उपभोक्ताको १ करोड ७९ लाख सहित ९ करोड ७९ लाखको लागतमा ओभर हेड ट्यांकीको निर्माण गर्न लागिएको हो ।

यसै बिच आज उक्त ओभर हेड ट्याकी निर्माण कार्य अगाडि बढाउनको लागि उपभोक्ता समितीका अध्यक्ष मनोज कुमार हेन्जनको अध्यक्षता एवम क्षेत्र नम्बर ३ (क) का प्रदेश सभा सदस्य डिल्ली प्रसाद उप्रेतीको प्रमुख आतिथ्यतामा सोमबार एक कार्यक्रमका बिच प्रमुख अतिथी उप्रेतीका साथै हरिवन नगरपालिकाका मेयर गणेश प्रसाईंले संयुक्तरुपमा ओभर हेड ट्यांकी सिलन्यास गरिएको छ।

७९३ घर धुरी रहेको ५ नम्बर वडामा ५ बर्षभित्र ट्याकीको निर्माण कार्य सम्पन्न गर्ने र पानी बितरण गर्ने लक्ष्य लिएको वडा अध्यक्ष नागेन्द्र साहले बताए।

खानेपानीको समस्या हुदा केही बर्ष देखि नै हरिवन ११ मा रहेको इन्दुसंकर चिनी उधोगले समरसियल पम्प मार्फत ३र३ हजारको हिल ट्यांकी मार्फत खानेपानी उपलब्ध गराउदै आएको हरिवन नगरपालिकाका प्रमुख प्रसासकिय अधिकृत टिकाराम ढकालले बताए।

स्थानिय बुद्दिमान घलानका अनुसार पहिले खानेपानीको समस्या थिएन । दुई बर्ष देखि चिनी मिलबाट निस्किएको दुसित पानी चापिनी खोलामा निकास गर्न लागेपछि खानेपानीमा समस्या आएको र चिनी मिललाई दवाब दिएपछि अहिले चिनी मिलले नै निशुल्क उपलब्ध गराएको चार कठ्ठा जमिनमा ओभर हेट ट्यांकी निर्माण गर्न लागेको उनको भनाई छ ।

खानेपानीको समस्या समाधान हुने भएपछि स्थानियबासी पनि खुसी भएका छ्न ।

खानेपानी ओभर हेड ट्यांकी निर्माणको आजको शिलन्यास कार्यक्रममा नगरपालिका कि उपमेयर रेनुका पौडेल ,नगरपालिकाका प्रमुख प्रशासकिय अधिकृत टिकाराम ढकाल विभिन्न वडाका वडा अध्यक्ष समाज सेबि चुडामणी वाग्ले ,भरत कुमार कार्की ,स्थानिय बुद्दिजिबी भद्र भलादमी लगायतको उलेख्य रुपमा सहभागी हुनु भएको उपभोक्ता समितीका अध्यक्ष मनोज कुमार हेन्जनले जानकारी दिए ।