गोरखा, १५ जेठ । महान जनयुद्धको प्रथम शहीद दिल बहादुर रम्तेल स्मृति कप खुल्ला राष्ट्रिय पुरुष भलिबल प्रतियोगिता आज सम्पन्न भएको छ । १३ गतेदेखि संचालनमा रहेको उक्त प्रतियोगितमा कास्की पोखराका देउराली युवा क्लब प्रथम भएको छ । प्रथम हुनेलाई १ लाख ५ हजार र ट्रपी सहितको पुरस्कारहरू प्रदान गरिएको आयोजकले जानकारी दिएको छ ।

उपबिजेतामा समृद्धि युवा क्लब आरुखर्क लाकुरीबोट र तृतीय र सान्तोना हुने खेलाडीहरूले समेत पुरस्कार पाएका छन् । यही जेठ १३ गतेदेखि गोरखाको बारपाक शुलिकोट गाउॅ पालीकाको देउरालीमा गणतन्त्र दिवसको अवसरमा भएको कार्यक्रमको उद्घाटन पूर्व खेलकुद मन्त्री दलजित श्रीपाइलीले गर्नुभएको थियो ।

उक्तखेल गोरखा जिल्लाकै सबै भन्दा ठुलो धन राशि भएको पुरस्कार रहको थियो । समापन कार्यक्रममा गोेरखा क्षेत्र नं २ (२) प्रदेश सभा सांसद प्रकाशचन्द्र दुवाडी उपस्थिति हनुहुन्थ्यो भने गाउँपालिका अध्यक्ष बिष्णु प्रसाद भट्टको अध्यक्षतामा र वार्ड नं ७ का वार्ड अध्यक्ष कृष्ण गुरुङको व्यवस्थापनमा सम्पन्न भएको थियो ।

सर्वोकृष्ट खेलाडीमा विशाल गुरुङ भएका छन् । कार्यक्रममा खुल्ला दौड प्रतियोगिता समेत भएको थियो । दौडमा पुरुषतर्फ अनिल गुरुङ र महिला तर्फ बिद्या श्रेष्ठ बिजेता भएका छन् । यस अवसरमा राष्ट्रिय भलिवल रेफ्री बिकास गुरुङ, राष्ट्रिय गायक सागर गुरुङल लगाएत लाई समेत सम्मान गरिएको थियो ।