काठमाडौं, १५ जेठ । धुम्बाराही स्थित टिभ्स् कलेजले आयोजना गरेको प्रथम आइभीसी बास्केट बल प्रतियोगिता २०७५ विशाल मिलन केन्द्र चण्डोलमा सम्पन्न भएको छ।

नेपालभरबाट एसईई परीक्षा दिएका विद्यार्थीहरुको सहभागिता रहेको उक्त खेलमा पुरुषतर्फ ३२ र महिलातर्फ १६ टिमको सहभागी रहेको थियो । प्रतियोगितामा प्रथम हुने टिमलाई ट्रफी र प्रमाणपत्र सहित प्रथमलाई नगद ५ हजार र द्धितियलाई ३ हजार पुरस्कार वितरण गरेको टिभ्स् कलेजका खेलकुद संयोजक रविन्द्र श्रेष्ठले जानकारी दिए ।

प्रथम हुने टिममा पुरुषतर्फ नेरिक स्कुल र महिलातर्फ यूरो टिम रहेको छ भने द्धितियमा पुरुषतर्फ द ग्रेट माया टिम र महिलातर्फ बुदानिलकण्ठ टिम रहेको छ । विद्यार्थीहरुलाई सक्षम बनाउन यस्ता खेलकुदको विकासका प्रतियोगिताले महत्वपूर्ण भूमिका खेल्ने काठमाडौं महानगर पालिका–४ का वडा अध्यक्ष मोहन विष्टले बताए । प्रतियोगिता समापन कार्यक्रममा विभिन्न व्यक्तित्व र कलेजका प्रतिनिधिहरुको उपस्थिति रहेको थियो ।

आँउदा दिनमा टिभ्स् कलेजले विभिन्न खेलकुद प्रतियोगिता आयोजना गर्न र अबल खेलाडीलाई अझै उत्प्रेरण जगाउन कलेजले छात्रवृति प्रदान गर्ने प्रधानध्यापक भीम श्रेष्ठले जानकारी दिए । प्रतियोगिता जेठ १२ देखि १४ सम्म सञ्चालन भएको थियो ।